Radio Refugio en Santiago de Compostela

No marco das Xornadas "Combater os discursos do odio" trading the forex contamos coa presencia de Txema Santana, Houssien El Ouariachi e Natalia Monje. Tivemos a sorte de facer un programa de radio no estudio da Facultade de Ciencias da Comunicación que vos invito a escoitar no enlace.

Tamén tivemos xente da terra, de orixe ou de vida. ¡¡Moi interesante escoitalas a elas!!

Rematamos as xornadas cun coloquio na Facultade de Filosofía que resultou moi autocrítico e sacamos conclusións para a nosa acción e capacidade de diálogo.

Graciñas a eles!!! Por orde: Houssien, Natalia Monje e Txema Santana.

Boza! Boza! Boza! Encontro con Monseñor Santiago Agrelo o martes 24 en Compostela

Desde a Rede de Apoio ás persoas refuxiadas esiximos unha  política de inmigración e refuxio acorde co respecto aos dereitos humanos. 

Entre as medidas necesarias, salientamos:

1.- Reforma rápida e efectiva da actual Lei de Estranxeiría.

2.- Políticas de Fronteiras, que establezan como principio básico a defensa da vida das persoas migrantes ou refuxiadas.

3.-Compromiso de posta en práctica de  políticas decididas contra as actuacións e as ideoloxías que tentan estender o racismo e a xenofobia.

4.-Concreción práctica e efectiva, mediante un regulamento claro, do decreto para devolver a atención sanitaria ás persoas  migrantes en situación de irregularidade administrativa.

5.- Políticas de asilo e refuxio que garantan o cumprimento dos dereitos humanos. Esiximos que se resolvan de xeito rápido e efectivo as solicitudes de protección do Estado Español.

6.-Eliminación dos campos de persoas refuxiadas en Europa  e dos acordos internacionais da UE que externalizan de forma lamentable o control das fronteiras, provocando decenas de miles de mortes.

O martes 24 de setembro ás 20h convocamos a un encontro con Monseñor Santiago Agrelo que nos traerá a realidade da fronteira sur.

Santiago Agrelo é nomeado Arcebispo de Tánxer polo Papa Benedicto XVI o 11 de abril de 2007. Este feito na súa vida foi unha “revolución”. Tras 12 anos chega a xubilación e actualmente reside en Compostela. Santiago Agrelo sente unha débeda co vivido en Marrocos, coas persoas acollidas, coas persoas que non puideron ser acollidas, con todos eses mozos, mulleres e nenos que morreron cruzando cara Europa, coas persoas que aínda continúan alí agochadas, á espera dunha oportunidade… e por iso, denuncia con forza as responsabilidades políticas. 

Temos, nós e el, VERGONZA, por vivir nunha España na que os políticos, os medios de comunicación e os cidadáns non nos empeñamos por rematar coa vulneración dos dereitos humanos das persoas migrantes, na frontera sur e nas fronteiras interiores que todos os días atopan.

COMENZA ACAMPA !!-20xuño- A Coruña

Hoxe comeza ACAMPA en A Coruña , é unha iniciativa cidadana sen fines de lucro integrada por colectivos sociais, culturais, educativos, veciñais, políticos, sindicais, artísticos, de persoas solidarias, de institucions  empresas con responsabilidade social.

Ten coma obxetivo a defensa dos dereitos humanos, o Dereito Internacional Humanitario e o Dereito á Refuxio. Promove á participación a a implicación.

Abre un espazo de encontro para buscar respostas colectivamente. Profundiza nas causas dos acontecementos, para contrastar a información.

acceso ao programa completo aquí

video 2018 aquí

é unha iniciativa da Plataforma das ONGs,
organizacions e persoas que conforman
Coruña Contra la Guerra

20 ao 23 de Xuño de 2019
Jardines de Méndez Núñez - A Coruña

 acampa@redeacampa.org

plano ACAMPA 2019

DÍA MUNDIAL DAS PERSOAS REFUXIADAS- 20 DE XUÑO

GALA SOLIDARIA "DESTERRADOS"- 16 xuño. Santiago

Gala benéfica en favor de Proactiva Open Arms

O domingo 16 de xuño diversos artistas compartirán o seu traballo de xeito altruísta para “axudar a quen axuda”. O Acto vai ter lugar a partir das 20hs no Teatro Principal de Santiago, será presentado por Carmen Conde e participarán os seguintes artistas: Tato López & Cía, Tanxugueiras, Marcos Teira & Ton Risco (flamenco), Barullo Tango, Konafro (percusión africana) o Coro da Rá, Vero Rilo, Luz Fandiño, Angeles Goás e Avelino González.

Toda a recaudación será destinada a “Proactiva Open Arms”, unha ONG que traballa activamente salvando vidas no Mediterráneo e nos campos de refuxiad@s. A entrada e libre pero se pide unha aportación voluntaria e consciente. Tamén habilitouse unha “fila 0” coa que todo o mundo pode participar nesta causa solidaria ainda que non poida asistir físicamente: ES3714910001293000076060.

A iniciativa xorde do cantautor Tato López, compositor da canción "Desterrados", que desde o comezo tivo a intención de que o seu tema servise para visibilizar o problema d@s desterrad@s e axudar, dalgún modo, a resolvelo. Hai un ano, sumou ao compositor e pianista Alejandro Vargas, que resultou autor dos arranxos.Convocaron tamén a outros músicos e alumnos do Conservatorio Profesional de Música de Santiago e a canción quedou gravada.

Tato López e colaborador da “Rede Galega de Apoio a Persoas Refuxiadas” e levou a súa proposta unha vez que todo estivo listo. Coa vontade de facer rede e sumar esforzos, contactou co resto de artistas que participan da Gala.

Será unha noite única e máxica pola posibilidade de axudar, e tamén pola xuntanza no escenario de artistas tan diversos. Unha noite tinguida pola música, a palabra e o compromiso con quen nos necesita.

vos esperamos!!

 bota un ollo aos videos de presentación

entrevista a Alejandro Vargas

pianista e escritor 

accede ao video aquí

Ángeles Goas, 

contadora

accede ao video aquí

Máis información e contacto:

Tato López: 617 935 073

Rede Galega de Apoio a Persoas Refuxiadas: 662307019 (Miguel)

SEMANA DA INTEGRACIÓN - 12 ao 21 xuño. Santiago

A Universidade de Santiago de Compostela celebra entre os días 12 e 21 de xuño a Semana da Integración, no marco do proxecto de apoio a persoas refuxiadas UNINTEGRA que coordina o Servizo de Relacións Exteriores da USC. O obxectivo deste proxecto é promover o apoio á integración de persoas refuxiadas proporcionándolles recursos e ferramentas para a súa inclusión e incidindo na sensibilización das comunidades de acollida.

A Semana da Integración arrancou mércores 12 de xuño ás 20:00 horas coa inauguración da Exposición PERSOAS, de Patricia Muñiz e Gabriel Tizón, na Sala de Artesoado do Colexio de Fonseca. A mostra permanecerá aberta desde o 12 de xuño ata o 13 de xullo de 2019.

O xoves 13 tivo lugar a mesa redonda ‘Encontro’, coa participación dunha serie de mulleres que, a través da súa experiencia directa ou de apoio a outras, amosaron a situación da solicitante de asilo e refuxiada, dando visibilidade á súa problemática específica e explorando horizontes de cooperación para a súa integración na sociedade de acollida. Esta actividade, programada para as 19:00 horas no Salón Nobre do Colexio de Fonseca, estivo moderada pola vicerreitora de Comunicación, Cultura e Servizos da USC, María del Mar Lorenzo Moledo. A actividade contou coa participación da presidenta do Grupo Parlamentario Saharaui no Parlamento Africano, Suelma Beiruk; a encargada de SAWT, asociación sirio-galega en pro das persoas refuxiadas sirias en Galicia, Fadile Tibisay, e Katherin A. Belgrave, solicitante de asilo procedente de Venezuela.

Durante a segunda semana do evento, o día 18 de xuño, terán lugar as conferencias ‘Xeopolítica e refuxiados ambientais: un encontro cara ao desastre’ impartida por José Julio Fernández Rodríguez, director do Centro de Estudos de Seguridade (CESEG) da USC, e ‘Intervencións sanitarias en rescates de misións humanitarias en Frontex (Axencia Europea de Fronteira e Costas)’ a cargo de Miguel Ángel Iglesias Blanco, capitán enfermeiro da Garda Civil e xefe do Servizo de Asistencia Sanitaria da Comandancia de Lugo.

O elenco de actividades pecharase o venres 21 coa conferencia ‘Haití, terra de loita e vulnerabilidade’, impartida por Ana Isabel Martín, arquitecta especialista en cooperación internacional e colaboradora en diferentes ONGs coma Cruz Vermella e Arquitectura sen Fronteiras, e Michael Salvini, experto en Relacións Internacionais e cooperante na reconstrución de Haití. A este relatorio seguiralle a mesa redonda ‘Desde a realidade’ coa participación engadida de Patricia Muñiz, arquitecta especialista en vivendas para refuxiados e desprazados internos, e Gabriel Tizón, fotógrafo con máis de 20 anos de experiencia reflexando as realidades máis próximas do ser humano. Nesta sesión proxectarase ademais o documental ‘El Sueño Europeo: Serbia’, producido polo xornalista independente, especializado en Dereitos Humanos e realizador Jaime Alekos.

A Sala Numax acollerá tamnén una ciclo de cine, composto tanto por filmes de ficción e documental, todos eles sobra a realidade das persoas refuxiadas.

acceso ao programa completo aquí

I ENCONTRO COAS FAMILIAS REFUXIADAS- 8 xullo -TAPIA ( Concello de Ames)

Asociación de Sirios en Galicia junto coa Asociación Vivo en Ames organizaron o I ENCONTRO COAS FAMILIAS REFUXIADAS en Galicia.

Organizouse a Festa do final do Ramadán ou Eid Firt Said xunto coas familias sirias que veñen xunto a nós dende Lugo da man da ong Diaconía.
O evento foi aberto a todas as persoas que quixeron  achegarse a participar con eles da sua celebración.
Celebrouse na praia fluvial de Tapia desde as 12 da mañá,  con xogos infantils,paiasos,conta contos,música...

noraboa por esta estupenda iniciativa!

CIRCULO DO SILENCIO- 7 XULLO. Santiago de Compostela

Como cada  primeiro noves do mes , quedamos na Praza de Cervantes as 20:00h para lembrar as máis de 35.000 pessoas mortas no Mediterráneo , para chamar a atención sobre como as políticas migratorias de España e a UE seguem violando os Direitos Humanos e a lexislación Internacional, segue matando persoas.

Os Círculos de Silencio comenzaron en Toulouse a finas de 2007 e actualmente reúnen en Francia a unhas 10.000 persoas de distinta procedencia, en máis de 170 cidades unha vez ao mes. Os círculos pretenden reimplementar unha cultura nonviolenta a través dunha acción accesible a todo o mundo, nunha actitud de respeto frente ao que sufre, e coa mirada en minar o apoyo da sociedad a estas leis inxustas.

Se convoca a todas aquelas persoas que ven a necesidades de unirse para enfrentarse a unhas leis que están machacando a dignidade das personas inmigrantes.

Más información sobre os Círculos do Silencio aquí

"PERSOAS" EXPOSICIÓN FOTOGRÁFICA- SANTIAGO DE COMPOSTELA

Os desprazamentos involuntarios da poboación son o exixo condutor da estupenda exposición xa inaugurada en Fonseca. Tratase de fotografías tomadas por Patricia Muñiz e Gabriel Tizón nos últimos quince anos en viaxes que fiestas por Europa, África y Asia. Poderá visitarse ata o 13 de xullo.

más información sobre a expo e a fotografía de Gabriel Tizón aquí

O NOSO VOTO É IMPORTANTE- REFLEXIONEMOS NO 26M

Desde a Rederefuxiadas queremos invitar a reflexión antes de votar hoce aos nosos parlamentarios e parlamentarias da UE.
Queremos lembrar que Europa leva tres anos VIOLANDO:

- A Carta Internacional dos Dereitos Humanos, 
- A Carta dos Dereitos Fundamentais da UE, 
- A Convención Europea sobre Dereitos Humanos e 
- A Convención de Xenebra sobre Refuxiados, así como 
-  Diversas directivas de asilo europeas.

Aquí tedes a comparativa dos programas electoras feito por CEAR, a COMISIÓN ESPAÑOLA DE AYUDA AL REFUGIADO- LEER O INFORME COMPLETO AQUÍ

aqui redes un cuadro comparativo dos detalles :

Lembramos  O NOSO MANIFESTO do 26 FEB, no aniversario do peche de fronteiras:

Os setenta colectivos que integran a Rede Galega de Apoio ás Persoas Refuxiadas esiximos que España deixe de violar os Dereitos Humanos e de incumprir a lexislación internacional.continuamos coa campaña 'Non no noso nome', coa seguridade de que esta terrible situación soamente cambiará cunha presión social que obrigue ao Goberno a tomar medidas inmediatas en materia de acollida e a cambiar a lexislación.

España está violando a Carta Internacional dos Dereitos Humanos, a Carta dos Dereitos Fundamentais da UE, a Convención Europea sobre Dereitos Humanos e a Convención de Xenebra sobre Refuxiados, así como diversas directivas de asilo europeas.

Temos tamén que recordar que Europa, ao incumprir o artigo 14 da Declaración Universal dos Dereitos Humanos, negando o dereito ao asilo/refuxio, e prohibindo a entrada ás persoas que migran fuxindo da guerra, conseguiu facer do Mediterráneo a maior foxa común do mundo, na que xa perderon a vida máis de 25.000 persoas.

Pedimos tamén a dimisión do Ministro do Interior  pola incompetencia do Goberno Español para cumprir o ridículo acordo coa UE de acoller soamente a 17.387 persoas, das que en 3 anos anos soamente chegaron 2.431 dun total de 4.815.868 só de refuxiados sirios.

Consideramos tamén importante resaltar o inadmisible papel de España incumplindo tamén da lei dentro das nosas fronteiras: O internamento ilegal de migrantes en cárceres, CIES onde se violan sistemáticamente os seus dereitos máis básicos. As devolucións en quente contra as que xa dictou sentencia o Tribunal Europeo de Dereitos Humanos ,confirmando xa o pasado més de Outubro que as expulsións inmediatas levadas a cabo en Melilla violan o Convenio Europeo dos Dereitos Humanos.

Solicitamos o inmediato levantamento das fronteiras interiores, que día a día pon trabas violando os dereitos básicos dos nenos cando lles negamos acceso as axudas que necesitan para a súa escolarización, ou cando discriminamos aos migrantes do sistema sanitario, con numerosos casos nos que se lles negou a asistencia de maneira ilegal, pois lembremos que os nenos , as embarazadas e nas urxencias teñen dereito por lei.

É totalmente inadmisible que exisamos que unha persoa migrante teña soamente un mes de prazo para regularizar administrativamente a súa situación desde que cruza a fronteira, e a lista de espera para poder formalizar os papeis sexa na actualidade de un mes e quince días. Exiximos que se tomen medidas inmediatas por parte da Xunta de Galicia e por parte do Goberno de España para que se deixe de incumplir a lei no noso nome.

Queremos agradecer o apoio nesta concentración de Amnistía Internacional, do seminario Galego de Educación para a Paz, Médicos do Mundo , de Somos Refuxio do Barbanza e das Marchas da Dignidade.

Pedimos a participación activa de toda a sociedade dándolle difusión a esta terrible realidade, apoiando as campañas de sinaturas on line e asistindo ás mobilizacións e concentracións.

'NON NO NOSO NOME '!!!